有日有位小姐到診所:我要驗孕！
我:好嘅，登記咗先，之後到洗手間留小便啊～
登記後，我俾咗個小便樽佢，佢都好快手咁小完便～
喺我入房處理期間，小姐喺度大嗌:姑娘，有冇呀？得未呀？點呀？係咪有呀？
我處理後，交俾醫生:醫生，佢好心急呀，你快啲話佢知啦～
醫生:急乜呀，生仔急唔嚟…反正都冇，更加急唔嚟啦…
我:醫生，你爽手啲好冇？人哋好心急知有定冇㗎～
醫生:好啦嗌佢入嚟啦！
小姐入到嚟之後，醫生話佢知冇中招…
小姐:係咪兩條線先叫有呀？
醫生:係呀，你睇吓，而家得一條線，所以係冇！
小姐:可唔可以俾咗呢枝棒我？
醫生:冇問題，姑娘，袋好佢交俾小姐呀～
小姐:唔該醫生，咁走得啦嘛？
醫生:出去等等得㗎啦！
我收錢後…交返枝棒俾佢～成件事係咪好正常先？點知…
晏啲啲，有個男人拎住枝棒嚟到診所，怒氣爆燈咁鬧我:你弱智㗎？你當我弱智定你真係弱智呀？枝嘢甩色嘅！你哋啲嘢過期㗎？
我決定唔再講落去，因為內容太私人…留返啲空間俾大家幻想吓究竟係乜事，討論吓邊個先係傻豬…
仆你個街，玩咁大出事㗎嘛！
圖為我收到的實物遺照
Search